Edhe sot kolona të gjata në pikëkalimet kufitare

pixabay

Sot në mëngjes (e premte) janë krijuar kolona të gjata në dalje të Kosovës, në vendkalimin kufitar në Merdar. Bashkatdhetarët tanë që po kthehen në vendet e Evropës pasi përfunduan pushimet në vendlindje, po presin me orë të tëra, e ndonjëherë edhe më shumë se katër orë për të kaluar kufirin, shkruan albinfo.ch.

Qendra Kombëtare për Menaxhim Kufitar njofton se kolonat në dalje nga Kosova, në Merdar, janë 1000 metra.

Ndërsa pritjet në Mutivodë janë të shkurtëra 05-10 minuta, po ashtu në Jarinje 05-10 minuta. Sipas kësaj Qendre, situatë më e ngarkuar paraqitet në pikën kufitare Dheu i Bardhë, ku sot në mëngjes pritej rreth 30 minuta për dalje nga Kosova.