Edi Rama: Turqia ishte e para që njohu Kosovën, ajo është mikja më e madhe e saj

Foto sc FB

Presidenti i Turqisë, Recep Tayyip Erdogan, ka qendruar sot për vizitë në Shqipëri.

Në konferencën e përbashkët me kryeministrin e Shqipërisë, Edi Ramën, ky i fundit, ka thënë disa fjalë për marrëdhëniet në mes të Turqisë dhe Kosovës, transmeton albinfo.ch.

“Nesër Ergodan shkon në Beograd. E sjell këtë në vëmendjen tuaj për një fakt historik. Kur presidenti Erdogan ishte kryeministër e ka njohur Kosovën e para. Por nuk ka qenë një njohje e parë e Kosovës thjeshtë zyrtare dhe diplomatike, ka qenë një njohje e Republikës së Kosovës në kohë reale në sinkron me punimet e Parlamentit të Kosovës, dhe në momentin kur në televizor, para tij që ishte e mbledhur e tërë qeveria, atë kohë kryeministri tani presidenti, bashkë me deputetët kanë ngritur duart për të votuar Pavarësinë e Kosovës. Pra një mik më të padiskutueshëm sesa Ergodani dhe Turqia, Kosova nuk e gjen askund. Ndajmë shqetësimin që situata mes të dyja shteteve (Kosovës dhe Serbisë) duhet të përmirësohet dhe se dialogu duhet të prevalojë”, ka thënë Rama.