Ejani dhe bëni pushimet në Itali, u thotë ministri i Jashtëm gjermanëve

Ministri i Jashtëm italian, Luigi di Maio, është duke u bërë thirrje gjermanëve të tejkalojnë frikën e tyre të koronavirusit dhe të kalojnë pushimet e tyre në Itali këtë verë.

Italia po planifikon të rihapë qendrat turstike për turistët evropianë nga fillimi i qershorit dhe të heqë një periudhë 14-ditore të detyrueshme të karantinës, si pjesë e një daljeje me faza nga bllokimi i saj koronavirus. “Ejani dhe vizitoni plazhet tona, detin tonë, fshatrat tona malore, shijoni kuzhinën tonë. Ne jemi të gatshëm t’ju mirëpresim me një buzëqeshje,” tha Di Maio në një intervistë për të përditshmen Bild.

Qeveria zbatoi një mbyllje ekonomikisht të shkatërrueshme në fillim të marsit për të luftuar një pandemi që deri tani ka marrë jetën e më shumë se 32,000 njerëzve në Itali, një nga vendet më të goditura në botë, përcjell albinfo.ch.

Mbyllja ndaloi të gjitha pushimet në një vend të varur shumë nga industria e turizmit.

Di Maio tha se Italia është “gati për të pritur turistë nga Evropa me sigurinë e nevojshme”, duke përmendur një rënie të konsiderueshme të rasteve të koronavirusit.

“Nga mesi i qershorit deri në shtator do të jetë e mundur të udhëtosh në Itali pa asnjë problem,” tha ai.

Gjermania ka ende një paralajmërim në fuqi deri në mesin e qershorit kundër pushimit jashtë vendit, pavarësisht lehtësimit të rregullave mes partnerëve evropianë. Por, Ministri i Jashtëm Heiko Maas ka treguar se Gjermania do të jetë e gatshme të lehtësojë paralajmërimin e udhëtimit më shpejt për Evropën se sa për vendet e tjera. Me rimarrjen e sektorit të turizmit, Komisioni Evropian javën e kaluar u kërkoi vendeve të BE që të hapnin gradualisht kufijtë e brendshëm të mbyllur dhe të trajtonin secilin shtet anëtar sipas të njëjtave kritere, përcjell tutje albinfo.ch.

 

---