Ekrani që nxit studentët të shkojnë në ligjërata

Profesori i Universitetit në provincën Zhejiang të Kinës është duke përdorur pajisjen e ashtuquajtur “ekrani plumb” me qëllim që t’i bëjë më atraktive ligjëratat e tij. 

Një kurs ndërkombëtar për reformat bashkëkohore është i projektuar për 90 studentë, por vetëm në semestrin pranveror pati më shumë se 160 aplikime nga studentët e Universitetit të Zhejiangut.   

Studentët i ka bërë për vete “ekrani plumb” që është duke u përdorur me të madhe nga faqet e internetit që bëjnë transmetime të drejtpërdrejta nëpër Kinë. “Ekranet plumba” apo “Danmu” në gjuhën kineze u referohet komenteve dhe mesazheve që shikuesit i dërgojnë në transmetimet direkte. 

Shikuesit mund të dërgojnë mesazhe, të cilat publikohet menjëherë në formë horizontale, ngjashëm me plumbin. Në klasën e Ye Lin, profesor i asocuar, “ekrani plumb” përdoret nga studentët që mund të dërgojnë pyetje apo komente në lidhje me temën.

Ye për idenë e tij ishte frymëzuar gjatë një vizite në një universitet të Japonisë. Në klasë, studentët shtypnin butonat për të thënë “po” ose “jo” dhe rezultati shihej në ekran. Pasi u kthye në Kinë, Ye mendoi të prezantonte ekranin në klasën e tij që të ngjallte interesimin e studentëve.