Shkurt.ch
EKR/CFR: Për luftimin e racizmit, nevojiten deklarime të qarta politike
Autoritetet zvicerane, partitë dhe politikanët duke u shprehur qartë dhe hapur kundër racizmit dhe diskriminimit mund të japin kontributin e tyre për parandalim të racizmit dhe luftim të diskriminimit
Me rastin e Ditës Ndërkombëtare kundër diskriminimit racist, Komisioni Federal kundër Racizmit (EKR) bën fjalë për rëndësinë që kanë deklarimet politike. Sipas tij, autoritetet zvicerane, partitë dhe politikanët duke u shprehur qartë dhe hapur kundër racizmit dhe diskriminimit mund të japin kontributin e tyre për parandalim të racizmit dhe luftim të diskriminimit.
Në shumë vende sot në diskursin politik hasen shkarje verbale në deklarimet lidhur me njerëzit që kanë prejardhje, religjion ose ngjyrë tjetër të lëkurës dhe kjo prodhon një atmosferë armiqësore, thuhet në komunikatën e EKR. Paragjykimet po çimentohen, aktet raciste po shtohen, krijohet një atmosferë e mosbesimit dhe e rezistencës, e cila pasqyrohet edhe në mediat sociale, përcjell albinfo.ch. Në mënyrë të shtuar po përhapen edhe njoftimet e rreme në faqet e internetit që vetëm sa e përforcojnë këtë tendencë.
EKR tregon se gabime të tilla mund të jenë të shmangshme. Qëndrimet e qarta politike mund të jenë levë mjaft vepruese në luftimin e racizmit dhe diskriminimit racial. U takon autoriteteve që të bëjnë me dije se u duhet përmbajtur të drejtave themelore, në veçanti duhet respektuar të drejtën për mbrojtje nga racizmi dhe diskriminimi racial. Partitë politike duhet të venë në pah vlerësimin e këtyre të drejtave edhe në programet e tyre dhe të marrin qëndrime të qarta për respektimin e pakusht të dinjitetit njerëzor.
Të zgjedhurit e të gjitha kampeve politike duhet të kenë parasysh se së bashku me fuqinë që u jep shprehja politike dhe me të drejtën për të diskutuar për të gjitha çështjet, shkon edhe qasja e përgjegjshme me fjalët dhe pamjet. Shprehjet diskriminuese, tablotë dhe fjalimet stigmatizuese të cilat propagandojnë refuzimin e të tjerëve, nuk kanë vend në sistemin tonë demokratik, thuhet më tutje në komunikatë.
Në preambulën e Kushtetutës Federale është e shkruar se “populli zviceran dhe kantonet e shpallin këtë kushtetutë në mënyrë që të rikujtojnë për përgjegjësinë që kemi për forcimin e lirisë, demokracisë, pavarësisë dhe paqes në solidaritet dhe transparencë ndaj botës, me respekt të ndërsjellë dhe për të jetuar së bashku duke respektuar shumëllojshmërinë.
Në këtë ditë ndërkombëtare kundër diskriminimit racor, EKR apelon te të gjithë ata që kanë poste dhe man date publike që në fjalimet dhe në veprimet e tyre t`i përvetësojnë parimet bazë dhe vlerat tona të shtetit të së drejtës.
Të tjera nga Shkurt.ch
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse