Kosova
Ekspozita në Prishtinë, mesazh drejtuar Spanjës për njohjen e Kosovës
Fotografitë janë të realizuara në Spanjë, në vendin që nuk e ka njohur Kosovën. Prandaj ekspozita është një mesazh artistik drejtuar Spanjës...
Një grup fotografësh entuziastë të “jetës së egër”, nga Shqipëria dhe nga Kosova kanë rënë në sy prej kohësh me aktivitetet e tyre interesante të fotografimit të kafshëve dhe shpezëve në natyrë, shkruan albinfo.ch. Grupi ka pasur tashmë një sërë ekspeditash, përveç në Kosovë e Shqipëri, edhe në vende më të largëta, si në Rumani, Spanjë, Afrikë etj.
Por, deri më tani, fotografët e dashuruar pas natyrës kanë pasur vetëm një mundësi të prezantojnë punën e tyre. Ka qenë kjo në një ekspozitë, në Shqipëri.
Shqiponja e fotografuar në Spanjë, nga Sevdail Sulejmani
Këtë mundësi ata do ta kenë tani së shpejti edhe një herë. Dhe jo në çfarëdo vendi e date: 6 fotografët shqiptarë do të ekspozojnë punën e tyre në Prishtinë më 16 shkurt, pikërisht në vigjiljen e përvjetorit të 15-të të pavarësisë së Kosovës, datës së shënuar të 17 Shkurtit.
Veç datës dhe vendit, e veçanta e kësaj ekspozite lidhet edhe me një faktor tjetër: Fotografitë që paraqiten në Prishtinë, (në ambientet e portalit Kultplus), janë të gjitha të realizuara në Valencia, në Spanjë, pra, në vendin që ende nuk e ka njohur Kosovën, si shtet të pavarur. Kjo, ka po ashtu simbolikën e vet, sipas organizatorëve. Është një mesazh artistik drejtuar Spanjës për të njohur shtetin më të ri të Evropës.
“Në mbrëmjen e 28 dhjetorit derisa bëheshim gati për përfundimin e ekspeditës së fundit të vitit që sapo lamë mbrapa, në një bisedë spontane na lindi ideja për një ekspozitë të fotografive të jetës së egër nga ekspedita e sapo kryer në Valencia të Spanjës. Edhe pse ende nuk i kishim tretur emocionet nga e gjitha që kishim përjetuar, në veçanti ajo që kishim parë po atë ditë gjatë pritjes për të fotografuar shqiponjën e maleve dhe shqiponjën Bonelli, idea për një çast na la te heshtur. Por në minutën në vijim tek çdo njëri nga ne u ndie ngazëllimi dhe dëshira që të prezantojmë në Prishtinë këto përjetime, pikërisht nga vendi i BE që nuk njeh pavarësinë e vendit tonë…”, shprehet veç tjerash njëri nga fotografët, Sevdail Sulejmani.
Me këtë ekspozim të fotografive të jetës së egër nga Valencia një falënderim i veçantë u shkon vendësve (qytetarëve spanjollë), e për politikën spanjolle kjo le të jetë një apel për njohje të shtetit më të ri evropian i cili të ardhmen e tij e sheh në këtë bashkësi të shteteve dhe kulturave evropiane”, thotë më tutje për albinfo.ch Sulejmani, organizator i ekspozitës.
Ftojmë të gjithë dashamirët e fotografive të “jetës së egër” të jenë të pranishëm më 16 shkurt, nga ora 19.00, në KultPlus në Prishtinë, thuhet në fund të ftesës, të “nënshkruar” nga anëtarët e grupit: Arben Berisha, Vebi Sulejmani, Refik Ibrahimi, Ruzhdi Ibrahimi, Jetmir Troshani dhe Sevdail Sulejmani.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?