Emigrantët po keqtrajtohen nga policia në Kroaci

Keystone EPA/Miguel Sierra

Disa emigrantë janë rrahur e keqtrajtuar nga ana e policisë kroate.

Kështu ka njoftuar BBC me anë të një raporti të saj duke shtuar se kishte pasur raste kur emigrantët edhe janë plaçkitur.

Emigrantët që kishin provuar të hynin në kufinjtë e Bashkimit Evropian përmes Kroacisë dhe në mënyrë ilegale, janë dëbuar nga policia.

Sipas raportit të BBC dhe burimeve të saj, një zyrtar i policisë kroate kishte thënë se kishte marrë pjesë në tri operacione ku i kanë dëbuar e rrahur emigrantët, përcjell Albinfo.ch.

Sipas presidents kroate, Kolinda Grabar-Kitanoviç kjo është e pabesueshme ndërsa ka shtuar se lëndimet mund të jenë shkaktuar edhe nga udhëtimet e emigrantëve të cilat i kanë vërë në terrene të ndryshme.

Emigrantët në anën tjetër pretendojnë se policia kroate u ka vjedhur parët që kanë poseduar dhe kanë shkatërruar edhe telefonat e tyre.