Era Istrefi “godit yllin” në kanalin gjerman Pro 7

Këngëtarja prishtinase, Era Istrefi, ka shkëlqyer me performancën e saj në kanalin e njohur gjerman Pro7. Kënga e saj “Bon Bon” tashmë është shndërruar në një hit ndërkombëtar. Ajo ishte e ftuar në emisionin gjerman “Schlag den Star” (godit yllin), ku arriti të shfaqet si një yll i vërtetë.

Prezantuesi i emisionit flet për Erën në superlativ, duke e konsideruar edhe si Rihanna e shqiptarëve, ndërkohë pas performancës ai e falënderon në gjuhën shqipe me fjalën “Faleminderit”, ndërsa Era iu përgjigjet në gjermanisht “Danke”.

Edhe faqja zyrtare prosieben.ch, shkruan për Erën: “Pop ylli shqiptar Era Istrefi ka marrë vëmendjen në gjithë Evropën. Kënga e saj “Bon Bon” nuk është vetëm e ëmbël, por vërtet shumë “cool”. 22-vjeçarja ka mbi 10 milionë klikime dhe është duke u konsideruar si një Rihanna e re”, transmeton albinfo.ch.