Erërat shkaktojnë defekt në tragetin Durrës-Bari

Trageti i linjës Durrës- Bari ka pësuar një defekt në orët e para të mëngjesit të sotëm, ndërsa  280 udhëtarë kanë qëndruar për rreth 3 orë në det të hapur.

Kapiteni i portit, Taulant Allka, bëri me dije se një problem me paketën e Kontrollit brenda në tragetin e linjës Durrës-Bari ka bërë që trageti të pësojë black out në orën 03 të mëngjesit.

Kapiteni ka ndezur manualisht një prej motorëve, duke sjellë energjinë elektrike për pasagjerët e traumatizuar e në panik.

Si rezultat i erës se fortë trageti është zhvendosur drejt Barit, ndërsa ishte nisur mbrëmë nga Bari në drejtim të Durrësit. Guardia di Finanza dhe roja bregdetare italiane kanë qenë në gatishmëri për të ndërhyrë në rast rrezik mbytjeje.