Lajme

Erleta nga Zvicra ndihmon kafshët e rrugës në Shqipëri

Erleta ka nisur projektin ""Lezha animal Shelter", në Lezhë. Motoja e projektit është: "Kultura e një populli shihet te mënyra si i trajtojmë kafshët"

Erleta Shala, vajza 26-vjeçare nga Zvicra, vendosi të përmbushë ëndrrën e saj dhe të ndihmojë kafshët e rrugëve në Shqipëri. “Është e mrekullueshme që ajo ka zgjedhur këtë rrugë dhe shpresojmë se, falë angazhimit të saj, do të ketë një të ardhme më të mirë për kafshët në fjalë”, shkruajnë prinderit e Erletës në një letër dërguar albinfo.ch.

Erleta ka nisur projektin “”Lezha animal Shelter”, në Lezhë. Motoja e projektit është: “Kultura e një populli shihet te mënyra si i trajtojmë kafshët”.

“Erleta është ende në fazat fillestare, por ne jemi të lumtur ta ndajmë me ju dhe mendojmë se është shumë bukur me sa zemër dhe shpirt e bën!”.

Këtë vit ajo ka nisur një projekt që e ka për zemër prej vitesh. Ajo së shpejti do të kujdeset edhe zyrtarisht në mënyrë vullnetare për kafshët e shumta në Shqipëri, të cilave nuk u ofrohet ushqim, ujë dhe dashuri, siç ndodh në Gjermani, Zvicër apo në vendet e tjera perëndimore.

“Është diçka vërtet e madhe për të dhe. Ajo e bën këtë vetëm për shumë qen, mace dhe kafshë të tjera, të cilat fatkeqësisht jetojnë në kushte të vështira.

Meqenëse e gjithë puna është ende në fillimet e saj dhe po rritet, ne po u shkruajmë njerëzve që kanë mundësi ta zgjerojnë te më shumë njerëz përmes platformave të tyre”, përfundon letra.

https://www.facebook.com/watch/?v=534118418273452