Euro vazhdon rënien

Tradicionalisht euro zhvlerësohet në tregun vendas deri në ditët e fundit të vitit, ndërsa janari shoqërohet me forcim të monedhës së përbashkët

Euro ka vazhduar rënien në tregun vendas. Sipas kursit zyrtar të Bankës së Shqipërisë, një euro është këmbyer me 133.13 lekë, duke arritur nivelin më të lartë që nga ditët e fundit të muajit gusht.

Analistët vlerësojnë se rënia lidhet me efekte sezonale, ashtu siç ndodh gjithmonë në fund të vitit.

Ardhjet e emigrantëve rrisin ofertën për valutë në treg, duke bërë që euro të humbë pikë ndaj monedhës vendase, shkruajnë mediat shqiptare.

Një tjetër faktor, sipas ekspertëve lidhet me faktin që këtë vit, tregtarët i kanë bërë blerjet e fundvitit që në muajin nëntor, çka ka bërë që në dhjetor të mos ketë kërkesë të lartë për valutë, përcjell albinfo.ch.

Tradicionalisht euro zhvlerësohet në tregun vendas deri në ditët e fundit të vitit, ndërsa janari shoqërohet me forcim të monedhës së përbashkët.

Me rënie të fortë është shoqëruar edhe dollari, i cili ka zbritur në 112.47 lekë, duke reflektuar faktin që monedha vendase është e fortë.