Eurodeputeti austriak: Lajçak të dorëhiqet si negociator, ka treguar se nuk e bën dot

Akuza e fortë e eurodeputetit austriak: Serbia po e mbron Radojçiqin, Lajçak në anën e tyre

Mësohet se eurodeputeti austriak, Thomas Waitz, tha në një intervistë për Euronews Albania se Serbia është duke marrë në mbrojtje Milan Radoiçiq, organizatori i sulmit ndaj policisë së Kosovës në Banjskë, përcjell albinfo.ch.

Sipas tij, është absurde që njeriun i cili e pranoi se është organizator i sulmit, ku humbi jetën një polic dhe tre persona të tjerë, e marrin në pyetje në Beograd dhe e lënë të lirë sikur nuk ka ndodhur asgjë.

“Me sa jam informuar, Radoiçiq u mor në pyetje nga Serbia dhe pas një sulmi të tillë për të destabilizuar rajonin, si mund ta lironi këtë person? Ai duhet të burgoset dhe jo të lirohet.

Kjo tregon se ka një lloj mbrojtjeje ndaj këtij personi. Unë jam i bindur se BE më në fund e ka kuptuar se politika e butë ndaj Vuçiqit është gabim, ndaj do të ketë një presion të hapur të Borrel-it ndaj Vuçiqit për të ekstraduar sulmuesit në Kosovë”, tha eurodeputeti.

 

 

 

---