Evropë: Kufizime për festa nga frika e Omicron

(KEYSTONE/Ti-Press/Elia Bianchi)

Autoritetet në Itali këmbëngulin se të gjithë ata që punojnë në shkollat e vendit duhet të vaksinohen kundër COVID-19. Rregulli mbulon të gjithë ciklin e vaksinimit, duke përfshirë detyrimin për të marrë një dozë të tretë.

Vendimi vjen mes shqetësimeve në rritje për përhapjen e variantit Omicron.

Policia, ushtria dhe personeli i shërbimeve të urgjencës duhet t’u binden urdhrave ose do  të përballen me sanksione, të cilat mund të përfshijnë pezullimin nga puna pa pagesë.

Kur përhapja e Omicron po lëviz me shpejtësi, indikacionet tregojnë se simptomat mund të jenë më pak të rënda se varianti Delta, por kreu i OBSH-së e ka një mesazh.

“Sigurisht që deri tani kemi kuptuar se ne e nënvlerësojmë këtë virus në rrezik. Edhe nëse Omicron shkakton sëmundje më pak të rënda, numri i rasteve mund të tejkalohet e të prekë sistemet e papërgatitura shëndetësore”, tha Tedros Adhanom Ghebreyesus, Drejtor i Përgjithshëm i Organizatës Botërore të Shëndetësisë.

Shkencëtarët në Holandë besojnë se brenda disa javësh Omicron mund të jetë varianti dominues i COVID-it në vend.

Për të kufizuar përhapjen, kabineti qeverisës në largim po zgjeron masat kundër koronavirusit, duke përfshirë mbylljen e shkollave më herët për festat e fundvitit.

“Kjo zgjatje e masave do të thotë që gjatë Krishtlindjeve mbledhja deri në 4 persona maksimumi mbetet normë. Prandaj, rregulli është që të mos pranohen më shumë se katër persona mbi 13 vjeç në shtëpi. Nuk do të ketë përjashtim për Krishtlindjet dhe Vitin e Ri”, u shpreh Mark Rutte, kryeministër i Holandës.

Efekti Omicron po ndihet në gjithë Evropën. Skocia nuk bën përjashtim. Njerëzve u kërkohet të kufizojnë edhe organizimet festive. Shpresat për një Krishtlindje normale edhe këtë vit po shuhen shpejt./Euronews