COVID 19 lë pasoja afatgjate, probleme me zemër e mushkëri

Një hulumtim i ri është publikuar nga Jamma Health Forum, mbi efektet afatgjata të COVID – 19. Sipas studimit pacientët që i mbijetuan COVID – 19 kanë nevojë për monitorim të vazhdueshëm sidomos për çrregullime kardiovaskulare dhe të mushkërive.

Pjesë e studimit ishin 13,435  persona që ishin infektuar me koronavirus dhe 26870 individë pa dëshmi që ndonjëherë ishin të infektuar me COVID-19 në Amerikë. Gjatë përcjelljes së gjendjes së tyre shëndetësore janë vërejtur çrregullime të shumta. “Gjatë ndjekjes, grupi i personave të infektuar më parë përjetoi  një gamë të gjerë rezultatesh negative: aritmi kardiake, emboli pulmonare, goditje ishemike, sëmundje të arterieve koronare, dështimi i zemrës, sëmundje pulmonare obstruktive kronike dhe astma”, thuhet në raport.

Gjatë monitorimit të grupit u vërejt që simptomat janë të ndryshme, më të shpeshta, në raport theksohet të kenë qenë gulçimi, ankthi, dhimbja/dobësia muskulore, depresioni dhe lodhja, përcjellë Albinfo.ch

Studimi nënvizon se mbi të gjitha janë të rëndësishme rezultatet e nxjerra për shkak të nevojës që kanë qytetarët për kujdes të vazhdueshëm mjekësor.

 

---