Zvicra do afrim me NATO-n, por duke ruajtur neutralitetin

Zvicra duhet të forcojë bashkëpunimin e saj ushtarak me NATO-n në funksion të luftës në Ukrainë, duke respektuar neutralitetin e saj, sipas një raporti qeveritar, transmeton albinfo.ch.

“Zvicra duhet të jetë në gjendje të mbrohet sa më shumë që të jetë e mundur”, tha ministrja e Mbrojtjes, Viola Amherd, në një konferencë për shtyp në Bernë. Ajo tha se anëtarësimi në NATO, që do të nënkuptonte fundin e neutralitetit, nuk është një opsion për Zvicrën, por duhet të marrë parasysh edhe situatën e re.

Rusia ka shkatërruar themelet e një rendi paqeje të bazuar në rregulla në Evropë përmes sulmit të saj ushtarak ndaj Ukrainës, tha qeveria. Ushtritë evropiane po riorientohen drejt parandalimit dhe mbrojtjes kundër sulmeve ushtarake dhe drejt luftës konvencionale. Një dinamikë e re bashkëpunimi mes shteteve evropiane është duke u zhvilluar.

Zvicra duhet ta marrë parasysh këtë për të forcuar aftësinë e saj mbrojtëse, sipas qeverisë. Në këtë frymë, raporti plotësues i Raportit të Politikës së Sigurisë 2021 paraqet mundësitë e zhvillimit të bashkëpunimit me NATO-n dhe BE-në, transmeton tutje albinfo.ch.

 

---