Evropianët mbështesin masat për ndihmë Ukrainës

Një sondazh i Eurobarometrit publikuar sot në të gjitha vendet anëtare të BE-së tregoi një mbështetje e madhe nga qytetarët për reagimin ndaj pushtimit të Ukrainës

”Të anketuarit, në veçanti, janë kryesisht në favor të mbështetjes së vazhdueshme të BE-së për Ukrainën”, bëri të ditur Eurobarometri.

Veçanërisht, 93% e miratojnë ofrimin e mbështetjes ndihma humanitare për njerëzit e prekur nga lufta, ndërsa 88% e miratojnë pritjen në BE të njerëzve që ikin nga lufta.
Për më tepër, 80% e miratojnë mbështetjen financiare të ofruar ndaj Ukrainës, ndërsa 66% pajtohen se Ukraina duhet të bashkohet me BE-në kur të jetë gati.

Sipas anketimit, 71% besojnë se Ukraina duhet të jetë pjesë e familjes evropiane dhe 89% kanë simpati për ukrainasit.

Shumica e evropianëve besojnë se që nga fillimi i luftës BE-ja ka treguar solidaritet (79%) dhe ka qenë e bashkuar (63%) dhe e shpejtë (58%) në reagimin e saj.

Mbështetja gjithashtu mbi sanksionet e vendosura ndaj Rusisë pas sulmit të saj kundër Ukrainës ka qenë më e lartë se 80% e të konsultuarve, ndërsa 79% kanë miratuar edhe sanksionet kundër oligarkëve rusë.

Për më tepër, 67% e personave e miratojnë blerjen dhe furnizimin e pajisjeve ushtarake për Ukrainën.

---