Evropiani më i pasur braktis Zvicrën, kthehet në Suedi

Dua të jem më afër familjes dhe miqve, ka thënë Ipronari i "Ikea"-s Ingvar Kamprad 87 vjeçar për gazetën suedeze “Sydsvenskan”

Njeriu më i pasur i Evropës, themeluesi dhe pronari i gjigantit të prodhimit të mobileve “Ikea”  Ingvar Kamprad braktis Zvicrën dhe kthehet në vendin e tij, në Suedi. Dua të jem më afër familjes dhe miqve, ka thënë Kamprad 87 vjeçar për gazetën suedeze “Sydsvenskan”.  

Ai do të jetojë në vendlindjen e tij, në Älmgult, në jug të Suedisë, ka sqaruar drejtori gjeneral i fondacionit “Ikea”, Peer Heggens.

Suedinë, e kishte braktisur për shkak të tatimeve shumë të larta që atje duhej të paguante “Ikea”.

Kamprad ka themeluar “perandorinë” e tij të mobileve, “Ikea” në vitin 1943. Nga fillimi i viteve shtatëdhjetë ai jetonte në Zvicër, gjegjësisht në Epalinges të kantonit Vaud, në rrethana shumë modeste për pasurinë që zotëron. 38 deri 39 miliardë franga është llogaritur pasuria e plakut suedez, i cili prej shumë vitesh është njeriu më i pasur në Zvicër, ndërsa në disa klasifikime, edhe më i pasuri në Evropë.

Pak vite më parë Kamprad ua ka lënë drejtimin e kompanisë tre djemve të tij.