Facebook mbyll profilet e partisë së Vuçiqit, përdoreshin për propagandë

Kompania e rrjeteve sociale “Meta”, e cila ka në përbërje Facebook dhe Instagram, raporton se ka mbyllur me dhjetëra profile të rreme të Partisë Përparimtare Serbe, të cilat përdoreshin për propagandë.

Sipas raportit për tremujorin e fundit të vitit 2022, META bën me dije se ka mbyllur 5374 profile dhe 12 grupe në Facebook si dhe 100 llogari në Instagram të SNS.

Duke iu referuar deklaratave të Meta, SNS ka shpenzuar mbi 150 mijë euro për propagandë proqeveritare në këto dy rrjete sociale, transmeton a2, përcjell albinfo.ch.

Këto llogari funksiononin në mënyrë të pavarur nga njëra-tjetra dhe përmbajtja e tyre arriti në qindra mijëra njerëz, përpara se të pezulloheshin.

---