Fat i keq për Era Shalën, thyen këmbën gjatë përgatitjeve

Gjatë përgatitjes për Lojërat Olimpike Dimërore për të Rinj “Lozana 2020”, skijatorja Era Shala theu këmbën, shkruan albinfo.ch.

Komiteti Olimpik i Kosovës, përmes një njoftimi nëpër rrjetet sociale ka bërë të ditur se ajo ishte duke u përgatitur së bashku me Feim Kollçalkun dhe Bujar Tujakën kur theu këmbën.

Ky është njoftimi i plotë:

Fati nuk e ka përcjellë Era Shalën në Lojërat Olimpike Dimërore për të Rinj “Lozana 2020”. Përkundër vullnetit të madh të dëshirës për të garuar në një ngjarje të tillë, skitarja jonë me të ardhme të ndrirur sot theu këmbën gjatë përgatitjeve, një ditë para garës debutuese në sllallom të madh.

16-vjeçarja ishte duke u përgatitur në qendrën skitare “Les Diablerets” me trajnerët Feim Kollçaku e Bujar Turjaka, kur theu këmbën.

Menjëherë, në ndihmë i dolën forcat emergjente të mjekësisë zvicerane, të cilat e bartën me helikopter nga qendra skitare në spitalin më të mirë të Lozanës.

KOK i uron operim të suksesshëm kampiones tonë dhe rikthim sa më të shpejtë në garat e ardhshme ndërkombëtare.

I tërë ekipi Olimpik i Kosovës është në mbështetje të plotë të Erës!