Fatmir Salihaj tanimë pjesë e referimit në garat e Federatës Europiane të Xhudos

Ai ka referuar në Gjermani dhe ne Hungari

Fatmir Salihaj është bërë pjesë e referimit në garat të cilat i organizon Federata Europiane e xhudos (EJU).

Ai në fundjavën që shkoi ka referuar në kupën evropiane për juniorë (U21), në Berlin të Gjermanisë dhe në muajin qershor në kupën evropiane për juniorë (U21), në Paks të Hungarisë.

Pas këtyre dy garave ai do të marrë pjesë edhe në kupën evropiane për juniorë (U21), në Cluj-Napoca të Rumanisë.

“Ne po besojmë që Fatmiri po avancohet në garat që organizohen nga Federata Europiane e xhudos që është një plus i madh për ne si Federatë. Po shpresojmë që edhe dikush tjetër nga Federata e xhudos së Kosovës së shpejti të bëhet pjesë e referimit në garat e EJU-së” – thuhet në njoftimin e Federatës së Xhudos të Kosovës.

---