Futboll

FC Basel: Zhegrova largohet, Vishi nënshkruan kontratën e parë profesioniste

Skuadra zvicerane ka njoftuar për disa ndryshime që do të bëjë në edicionin e ri

Edon Zhegrova do të rikthehet te Genku në Belgjikë pasi klubi zviceran, Basel, ku ai ishte i huazuar, nuk ka shfrytëzuar opsionin për ta transferuar.

Në një njoftim të Baselit bëhet e ditur se opsioni për blerjen e Zhegrovës ka skaduar në mars dhe nuk e ka shfrytëzuar, përcjell albinfo.ch.

21-vjeçari ishte huazuar te Baseli në shkurt të 2019-s dhe fitoi Kupën e Zvicrës. Genku kishte kërkuar 3.5 milionë franga zvicerane për shërbimet e Zhegrovës.

Ndërkohë, Mesfushori shqiptar Lirik Vishi ka nënshkruar kontratë profesionale me klubin e madh zviceran, Basel.

19-vjeçari do të qëndrojë te ky klub deri në verën e vitit 2022. Ai ka kaluar në të gjitha grupmoshat te Baseli, ndërsa për ekipin U21 pati 12 paraqitje në sezonin 2019/20. Ai debutoi për ekipin e parë, në përballjen me Luzernin.