FC Diaspora me 21 ndeshje dhe 21 fitore

FC Diaspora, klubi sportiv më i ri në Zvicër në 21 ndeshje ka shënuar 21 fitore. Një sukses që komunitetit shqiptar i Delemontit (Jura)  e shënoi me një festë të madhe të shtunën e kaluar në Sohyères (Delémont, Jura).

Para dy vitesh, dashuria për futbollit pati frymëzuar simpatizantët e këtij sporti të krijojnë klubin FC Diaspora në Kantonin e Jurës. Prej atij momenti, ky klub shënoi vetëm fitore duke u ngjitur deri në Ligat më të larta të rrethinës Bernë/Jura. Edhe pse  është klubi i futbollit më i ri në Zvicër, ai mund të krenohet me rezultatet e sezonit 2014/2015 ku mbërriti nga Liga e 5-të në Ligën e 4-të për të fituar çmimin Fair Play. Por ky klub nuk e  la me kaq. FC Diaspora përfundoi edhe sezonin 2015/2016 me një fitore edhe më të madhe duke zënë vendin e parë të Ligës 4, gjë që i hap dyertë e  Ligës së 3-të.

Kupa e Jurës tashmë është e tyre, dhe rruga për suksese të tjera duket të jetë e hapur.

Të shtunën, arritja e FC Diasporës  bashkoi në një festë mbresëlenëse lojtarët, përgjegjësit e klubit, tifozët por edhe  një pjesë të mirë të komunitetit shqiptarë të Jurës. Aty muzika, ushqimet, dhe gëzimi i pjesëmarrësve veç sa i dha zemër këtij klubi të vazhdojë aktivitetin e tij drejtësukseseve të mëtejshme. Urime !