Sport

Federer nuk njeh moshë, sa më i vjetër aq më i mirë

Ky ishte Grand Slemi i 20-të në karrierë, derisa e fiton në moshën 36-vjeçare

E hënë, 29 Janar 2018 - 9:00 albinfo.ch

Keystone (AP Photo/Vincent Thian)

Tenisti zviceran, Roger Federer nuk ka të ndaluar. Federer vazhdon të mahnitë, derisa të dielën fitoi në Australian Open, shkruan albinfo.ch.

Ky ishte Grand Slemi i 20-të në karrierë, derisa e fiton në moshën 36-vjeçare.

“Ky triumf është mbyllja e përkryer e një përralle, një ëndërr që realizohet. Nuk e prisja këtë triumf këtë vit, pasi një sezoni 2017 të shkëlqyer. Jam shumë i emocionuar, nuk gjej fjalë të përshkruar këtë moment”, është shprehur Federer.

Ai po shijon çdo moment dhe çdo mundësi që i ofrohet. “Unë vazhdoj të argëtohem dhe të luaj për fansat. Këtu në Australi kalova një muaj fantastik dhe ju falënderoj të gjithëve për mbështetjen”, u shpreh i emocionuar dhe me lot në sy Federer.