Manifestime

Festa e gjimnastikës mund të fillojë

Moti i lig që kishte përfshirë Zvicrën të enjten, kishte prishur planet e organizatorëve dhe kështu mbrëmja solemne ishte shtyrë për të shtunën

Solemniteti i hapjes së garës më masive të sportit të Zvicër, asaj të gjinive të ndryshe të gjimnastikës,”Turnfest 2013″ ishte paraparë për të enjten që shkoi. Por një stuhi dhe mot i lig që kishte përfshirë Zvicrën në mbrëmjen e të enjtes i kishte prishur planet e organizatorëve dhe kështu mbrëmja solemne ishte shtyrë për të shtunën.

Me një spektakël shumëngjyrësh është bërë mbrëmje hapja solemne e këtij aktiviteti sportiv në Biel/Bienne.

Qindra fëmijë, të rinj dhe të rritur i kane prezantuar publikut një përzgjedhje nga pikat e tyre sportive.

Kryetari i komitetit organizativ, Hans Stöckli është shprehur i kënaqur që pas “natës apokaliptike”, festa e stuhisë (Sturmfest) u shndërrua në sërish në festë të gjimnastikës (Turnfest).

Ky aktivitet sportiv që është më i vjetri (75 vjeçar) dhe më masivi në Zvicër mbledh rreth vetes nga 13 deri më 23 qershor rreth 60 mijë sportistë aktivë dhe rreth 100 mijë vizitorë. Festa e gjimnastikës mbahet një herë në gjashtë vite. Në të marrin pjesë garues individualë dhe ne ekipe, ne aerobik, gjimnastike me vegla, gjimnastikë dhe atletikë lehtë, gjimnastikë ritmike etj.


LAJME INTERESANTE NGA INTERNETI