Festojmë kuq e zi…

Nxënësit ishin mjaft të entuziazmuar për të festuar festën më të madhe kombëtare

Të gjithë muajt e vitit kanë veçantitë e tyre, por kur vjen Nëntori ky muaj për ne shqiptarët është muaji i krenarisë sonë kombëtare, muaj ky që na lidhë me shumë ngjarje të rëndësishme historike kombëtare, prandaj për nder të festave të nëntorit dhe veçanërisht datës 28 Nëntorit e cila tashmë në zemrën e çdo shqiptari njihet si datë historike e shenjtë, ku pikërisht me këtë datë u morën shumë vendime për rilindjen e shtetit shqiptar – dy herë u shpallë pavarësia në vite të ndryshme nga heronjtë Gjergj Kastrioti-Skenderbeu dhe Ismail Qemajli, u lind komandanti legjendar Adem Jashari si dhe dalja publike në skenë e UÇK-së … Të gjitha këto ishin një frymëzim i madh për të festuar  me nxënësit e mësimit plotësues të “Shkollës Shqipe Monthey-Chablais” me ç’rast kemi mbajtur një program artistiko-kulturor në ambientet shkollore. Nxënësit ishin mjaft të entuziazmuar për të festuar festën më të madhe kombëtare duke ia shtuar akoma më shumë bukurinë kësaj feste ata ishin veshur me  ngjyrat kuq e zi, recituan vjersha të ndryshme, kënduan himnin, disa këngë dhe vallëzuan disa valle popullore…

Në fund të programit nxënësit i uruan të gjithë shqiptarët kudo që ndodhen me mesazhet e bukura përçuese duke shpresuar që pikërisht kjo festë në të ardhmen e afërt të jetë datë e bashkimit të të gjitha trojeve shqiptare (pra të jetë Nëntori i tretë)!

Ganimete Jakupi Demiri, Zvicër

 

---