Fillon bllokimi i pasurive të oligarkëve rusë në Zvicër

(KEYSTONE/Salvatore Di Nolfi)

Autoritetet federale kanë bllokuar përdorimin e disa apartamenteve dhe shtëpive në pronësi të oligarkëve rusë të sanksionuar, por disa ekspertë besojnë se shumë të tjerë kanë shpëtuar deri më tani.

Sekretariati Shtetëror i Çështjeve Ekonomike thotë se janë prekur 10 prona – dhe megjithëse nuk jep më shumë informacion, mendohet gjerësisht se kantonet e Gjenevës dhe Bernës janë më të prekurat, shkruajnë mediat zvicerane, përcjell albinfo.ch.

Pronarët nuk lejohen të japin me qira ose të shesin ndërtesat – mendohet se vlera totale është gati 6 miliardë CHF.

Por ka të ngjarë që shumë të tjerë deri më tani t’i kenë shpëtuar vëmendjes së autoriteteve. Një ekspert i pastrimit të parave i tha gazetës së djeshme NZZ se shumë prej oligarkëve nuk i kanë regjistruar pronat në emër të tyre.