Fillon Konventa vjetore e video-lojërave

Është hapur Konventa vjetore ‘E3’, e cila është e specializuar në gjithçka që ka të bëjë me video-lojëra.
Me hapjen e Konventës, fansa të shumtë nxituan për te video-lojërat e tyre të preferuara në harduerët më të rinj të prezantuar këtë vit.
“E3 është sikurse periudha e Krishtlindjeve. Ne e dimë se do të bëhemi lajm kudo”, tha Louise Blain për Reuters, përcjell albinfo.ch.
Të pasionuarit pas video-lojërave nxituan për të parë produktet më të fundit nga studiot si Square Enix, Capcom, Ubisoft dhe Bethesda.
Megjithatë, një element i rëndësishëm mungonte në ‘E3’ këtë vit, Sony dhe Playstation i tyre.
Të pyetur se pse Sony ishte tërhequr nga ajo që shihet si një nga konventat më të rëndësishme të lojërave në botë, organizatorët thanë se kjo kompani nuk është e gatshme të tregojë se çfarë do të sjellë në të ardhmen.
Përndryshe, pengesa më e madhe për video-lojëra të reja është shpejtësia e internetit.