Filloreta Berisha, fiton dy çmime në “Miss Auto Zürich ”

Vajza me origjinë nga Kosova, Filloreta Berisha ka fituar dy çmime në konkursin e “Miss Auto Zürich 2015”, të mbajtur dje në Cyrih të Zvicrës.  20 vjeçarja banuese në Sempach të kantonit Lucern u shpall përcjellësja e parë (vendi i dytë) i “Miss Auto Zürich” si dhe “Miss Fotogjenia”.
Menjëherë pas shpërblimit me këto dy çmime, Filloreta ka falënderuar të gjithë përkrahësit e saj më një postim në rrjetin e saj social.  “Një falënderim të madh për të gjithë ju që më bëtë të mundur të shpallem “Miss Fotogjenia” si dhe të fitoj vendin e dytë. Gjithashtu edhe një falënderim për sponsorët, organizatorët dhe fotografët. Ishte një përvojë e  mrekullueshme dhe e paharruar”, citon “albinfo.ch”.
Po ashtu Filloreta ka uruar edhe konkurrenten e saj të drejtpërdrejtë, fituesen e këtij spektakli Carmen Bollhalder. “Përzemërsisht të uroj për fitoren e vendit të parë! Të dëshiroj shumë suksese gjatë tërë vitit!, ka shkruar ajo.
Fituesja e “Miss Auto Zürich”  do të ketë në dispozicion për një vit një veturë të tipit Smart Fortwo Coupe të sponsorizuar nga Mercedes –Benz Automobil AG in Cyrih/Schlieren.