Filmit për dëbimin e të huajve, çmim ndërkombëtar

Filmi dokumentar i prodhimit zviceran “Vol Spécial” që bën fjalë për sistemin zviceran të azilit, ka fituar edhe një çmim të rëndësishëm ndërkombëtar. Ai është shpërblyer nga juria e çmimit Prix Europa me çmimin Grand Prix IRIS si emisioni më i mirë interkulturor evropian.

Filmi “Vol Spécial”, është i punuar nën regjinë e Fernand Melgar dhe ka bërë jehonë të madhe me përshkrimin e ashpërsisë së jetës në një burg për deportim, në Zvicrën frankofone.

Për të realizuar filmin, regjisori me ekipin e tij ka kaluar nëntë muaj në një burg për deportim, në rrethinën e Gjenevës.

Filmi është bashkëprodhim në mes të shtëpisë filmike Climage dhe Televizionit zviceran.