Fisker me veturë elektrike që mbushet për vetëm një minutë

Kompania ka aplikuar për një patentë që i mundëson baterive të reja të ecin deri në kalimin e 800 kilometrave distancë pas një mbushje të plotë të baterisë

Fisker, prodhuesi i veturave elektrike luksoze, i themeluar nga dizajnuesi dhe ish-punëtori i Teslas, Henrik Fisker, thotë se ka sjell një veçori krejt ndryshe sa i përket mënyrës se si përdoren bateritë elektrike.

Kompania ka aplikuar për një patentë që i mundëson baterive të reja të ecin deri në kalimin e 800 kilometrave distancë pas një mbushje të plotë të baterisë. Mbi të gjitha bateria mund të mbushet për më pak se një minutë kohë, transmeton albinfo.ch.

Këto dy statistika do të “shkelnin” të gjithë rivalët aktualë në treg. Tashmë dihet se modeli me distancën më të gjatë nga Tesla është Model S 100D që ofron mundësinë e kalimit të 540 kilometrave distancë me një mbushje të plotë të baterisë që mund të arrihet për gjysmë ore.

Megjithatë, projekti i Fiskerit është shumë larg realizimit. Kompania planifikon që ta lansojë atë në treg “pas vitit 2023”.