Fitimi ga Prishtina “fluturon” mbi kulmet e Zvicrës

Xhirimet i ka bërë kur ka qenë për pushime në Zvicër ndërsa klipin nga këto xhirime e ka realizuar më vonë dhe e ka hedhur në Yoitube para pak ditësh

Fitim Krasniqi, një i ri 23 vjeçar nga Prishtina e shijon Zvicrën duke e shfrytëzuar atë si një “shesh lodrash”. Ai ka vizituar qytete të ndryshme të Zvicrës dhe ka përjetësuar me kamerë akrobacionet e shumta që i ka realizuar. Gazeta “20 Minuten” e ka prezantuar këtë qëndrim dhe aktivitet jo të zakonshëm, të kosovarit në Zvicër.

Me “saltat” dhe kërcimet që i ka bërë në Freiburg, qëndrimin në duar mbi kulmet e Gjenevës dhe me ngjitjet në shtatoret e Bernës, videoja e Fitimit që ushtron këtë sport-akrobacion ”Run Parkour”, e tregon Zvicrën nga një anë krejtësisht tjetër, transmeton albinfo.ch.

Xhirimet i ka bërë kur ka qenë për pushime në Zvicër ndërsa klipin nga këto xhirime e ka realizuar më vonë dhe e ka hedhur në Yoitube para pak ditësh.

“Kur e shikoj videon, e shoh veten të kthyer në kohën kur kam qenë në Zvicër dhe jam nider kaq mirë”, thotë Krasniqi. Ideja për ta bërë këtë klip, atij i ka ardhur kur ka qenë në Zvicër. “Vendet e jashtëuzakonshme, të bukura dhe të vjetra më kanë frymëzuar për ta bërë videon”, transmeton albinfo.ch fjalët e tij. Mirëpo, procesin e xhirimit e kanë ngadalësuar “negociatat” me pronarët e ndërtesave të cilat shihen në videoklip”, thotë ai.

Fitimin e ka fascinuar parkour dhe akrobatika që kur ka qenë fëmijë. “Inspirimin dhe motivin e kam nga filmat e Hollivudit”. Ndërsa fillimet praktike të ushtrimit të këtij pasioni datojnë prej nëntë vitesh. Mirëpo, për të realizuar akrobacione të tilla çfarë shihen në këtë video, üeshtë dashur shumë kohë dhe ushtrime. Po ashtu duhet të mbahet parasysh se ky është një aktivitet i rrezikshëm, ku mund të lëndohesh. “Fatmirësisht gjatë xhirimeve në Zvicër nuk ka ndodhur asgjë”; thotë ai.

Ndonëse ka xhiruar edhe në shtete tjera, ai thotë se Zvicra mbetet vendi i tij i favorizuar për të ushtruar këtë shkathtësi.

http://www.20min.ch/schweiz/news/story/Kosovare-dreht-in-der-Schweiz-einen-Parkour-Clip-11803059