Fiton Zvicra, asistojnë shqiptarët

Xherdan Shaqiri u rikthye në skuadër pas lëndimit, derisa titullarë ishin edhe Valon Behrami, Blerim Xhemaili e Admir Mehmedi, kurse Granit Xhaka nuk luajti, pasi ndaj Portugalisë ishte ndëshkuar me karton të kuq

Përfaqësuesja e Zvicër ka shënuar edhe fitoren e dytë në kualifikimet për Botërorin “Rusia 2018”. Pasi kishin mundur Portugalinë, helvetikët mundën Hungarinë me rezultat 2:3, shkruan albinfo.ch.

Xherdan Shaqiri u rikthye në skuadër pas lëndimit, derisa titullarë ishin edhe Valon Behrami, Blerim Xhemaili e Admir Mehmedi, kurse Granit Xhaka nuk luajti, pasi ndaj Portugalisë ishte ndëshkuar me karton të kuq.

Shaqiri asistoi në golin e parë të shënuar nga Haris Seferoviq, kurse Behrami asistoi në golin e dytë të realizuar nga Rodriguez. Golin e fitores për zviceranët e shënoi Valentin Stoker në minutën e 90-të, vetëm dy minuta pasi kishte zëvendësuar Mehmedin, ndërsa Shaqiri qëndroi në lojë deri në minutën e 81-të.

Në këtë ballafaqim u ndëshkuan me karton të verdhë, Xhemaili dhe Behrami. Ky i fundit do të mungojë në ndeshjen e ardhshme ndaj Andorrës. Zvicra është lidere e Grupit B me gjashtë pikë.

---