Fizikanët zviceranë, në «luftë» me rrufetë

27.05.2018, Brandenburg, Premnitz: Blitze entladen sich w‰hrend eines Gewitters bei Premnitz. Foto: Julian St‰hle/dpa-Zentralbild/dpa +++ dpa-Bildfunk +++ (KEYSTONE/DPA/Julian St‰hle)

Një ekip studiuesish nga Universiteti i Gjenevës ka vendosur një laser gjigant në majën e një mali, rrezja e të cilit të godasë në qiell duke vepruar si mekanizëm i teknologjisë së lartë kundër rrufeve. Ekipi, thotë CNN, drejtohet nga Jean-Pierre Wolf, një fizikan zviceran, i cili ka punuar me laserë për më shumë se 20 vjet dhe ka mbetur praktikisht i magjepsur nga përpjekjet për të kontrolluar motin përmes tij.

Laseri krijon fasha drite shumë të ngushta, me energji të lartë. Aplikimet e tij nisin nga prerja e diamanteve e deri në kirurgji. Wolf beson se listës së arritjeve mund t`i shtohet edhe mbrojtja e njerëzve nga rrufetë.

Si transmeton Top-Channel,  konsorciumi i drejtuar prej tij financohet nga BE-ja dhe përfshin universitete në Paris dhe Lozanë, si dhe prodhues të raketave ArianeGroup dhe prodhuesit e laserit, kompaninë gjermane të teknologjisë së lartë Trumpf.

Pas një viti vonesash për shkak të pandemisë, laseri u transportua në majën e Säntis, një mal në Alpet zvicerane që mbërrin lartësinë 2,500 metra.

Sipas Wolf, ky është një nga vendet e Evropës që goditet më shumë nga rrufetë. Sipas tij, atje ekziston një kullë transmetimi radiofonik, që goditet nga 100 deri në 400 herë në vit, e kjo e bën vendin ideal për të kryer këtë eksperiment.

VIDEO: https://www.youtube.com/watch?v=JkMdSzB58dI