Florent Muslija e Freiburgu eliminohen nga Liga e Evropës

Futbollisiti shqiptar, Florent Muslija, luajti nga minuta e 62-të për Freiburgun në ndeshjen kthyese të një të tetës së finales së Ligës së Evropës, përcjell albinfo.ch.

Megjithatë, futbollisti i Kosovës me skuadrën gjermane u eliminuan nga gara, pas disfatës së thellë të pësuar në udhëtim te West Ham Unitedi, 5:0, të enjten mbrëma.

West Hami kualifikohet tutje me rezultatin e përgjithshëm 5:1, pasi ndeshjen e parë gjermanët e kishin fituar 1:0.

Lucas Paqueta dhe Jarrod Bowen shënuan në pjesën e parë, kurse Aaron Cresswell dhe Mohammed Kudus me dy gola, realizuan në pjesën e dytë.

Kundërshtarin e radhës në çerekfinale, West Hami do ta mësojë të premten në mesditë.