Fondacioni, ankand për nismën “Një natë në qelinë e Mandelës”

Për të financuar një program për të ndihmuar të burgosurit, tani është e mundur të kaloni një natë në një nga qelitë më të famshme në botë, qelinë ku ishte mbyllur ikona e Afrikës së Jugut për luftën kundër aparteidit, Nelson Mandela.

Kjo është nisur nga lëvizja CEO Sleepout, e cila është bërë e njohur duke shitur oferta për kryesues dhe miliarderë të planetit duke u propozuar të kalojnë një natë në vende të jashtëzakonshëm. Kjo CEO ka për qëllim të financojë ndihma të ndryshme për të varfrit.

“Asnjë ofertë e tillë nuk kishte ndodhur me parë në Afrikën e Jugut”, thekson fondacioni në faqen e tij të internetit.

“Ofertuesit më të lartë do të fitojnë nderin të kalojnë një natë brenda qelisë historike numër 7, ku Mandela ka kaluar tetëmbëdhjetë vjet”, thotë me krenari CEE, Sleepout.

E vendosur në ishullin Robben, jashtë brigjeve të Cape Town, ky shesh i betonit (2.4mx 2.1m), ku presidenti i parë i zi në historinë e Afrikës së Jugut (1994 -1999) kaloi një pjesë të madhe të jetës së tij, është një nga burgjet më të famshme në botë.

I regjistruar si Trashëgimi Botërore nga UNESCO-s, muzeu i burgjeve vizitohet çdo vit nga më shumë se 300,000 njerëz.