“Football Manager 2018” përfshin futbollistë homoseksualë

“Football Manager 2018” do të përfshijë një veçori ku ka edhe lojtarë homoseksualë.

Miles Jacobson, drejtor i “Sports Interactive” shpjegoi se gjeni i ri i lojtarëve do të jetë risi e video-lojës së famshme.

Jo të gjithë lojtarët do të mund të jenë homoseksualë në këtë lojë, por nëse një yll i ekipit të cilin përdoruesi i lojës e menaxhon del dhe pranon se është gay, njoftimi do t’i bëhet në inboxin e menaxherit.

“Arsyeja përse vendosëm të bëjmë kështu është sepse ka lojtarë që janë homoseksualë”, ka thënë më tej Jacobson, transmeton Albinfo.ch.

Jo shumë futbollistë kanë deklaruar se janë homoseksualë. Ndër më të njohurit mbeten ish-ylli i Aston Villas dhe Stuttgartit, Thomas Hitzlsperger dhe ish-ylli i Leeds United, Robbie Rogers, që pranuan se janë homoseksualë vetëm pas pensionimit nga futbolli.