Fotoja më e mirë për 5-vjetorin e Pavarësisë së Kosovës

Sipas një njoftimi të MPJ-së, TOP 5 fotot kryesore janë shpërblyer secila me nga 600 euro, ndërsa TOP 15 fotot janë shpërblyer secila me nga 200 euro.

Ministra kosovare e Punëve të Jashtme ka shpallur të mërkurën fituesit e fotografive më të mira që janë publikuar me rastin e pesë vjetorit të pavarësisë së Kosovës. Me këtë rast MPJ ka shpërblyer 20 fotot më të mira, me gjithsejtë 6000 euro.  
 
Sipas një njoftimi të MPJ-së, TOP 5 fotot kryesore janë shpërblyer secila me nga 600 euro, ndërsa TOP 15 fotot janë shpërblyer secila me nga 200 euro.
 
Ndryshe, Ministria e Punëve të Jashtme, në kuadër të festimit të pesë vjetorit të Deklaratës së Pavarësisë së Kosovës, kishte hapur garën kombëtare për foton më të mirë të botuar nga vetë qytetarët e Kosovës në rrjetet sociale në internet.
 
Ky aktivitet është paraparë në Strategjinë për Diplomaci Digjitale, e përkrahur nga Këshilli Britanik dhe Ministria e Jashtme e Norvegjisë.
 
“Ata garues që nuk kanë qenë në mesin e fituesve në këto dy kategori, por foto të të cilëve janë botuar në libër, e kanë marrë nga një libër falas. Libri instakosova është botuar me gjithsej 100 foto”, njofton MPJ.
 
Juria profesionale, siç thuhet, ka vlerësuar fotot më të mira për kategoritë “Vendet e Kosovës”, “Njerëzit e Kosovës” dhe “Ngjarjet në Kosovë”. Kushti i vetëm ishte që fotografia të ketë qenë e postuar në rrjetet sociale Instagram, Facebook, Flicker, tek profilet e kosovarëve gjatë pesë viteve të fundit.
 

TOP 5: Arben Llapashtica; Beni Cufi; Besnik Hasanaj; Fisnik Dobreci dhe Shkelzen Rexha.
 
TOP 15: Abdurahim Abdushi; Besian Durmishi; Bujar Gashi; Dita Syla; Enis Abdullahu; Faredin Agaj; Gent Gjikolli; Ilir Lloncari; Linda Dibra; Nentor Oseku; Nita Pallaska; Petrit Daku; Rejhana Rexhaj; Trim Kabashi dhe Valon Majanci.