Francë: Macron planifikon testim të detyrueshëm fertiliteti, shkak – rënia e lindjeve

Keystone (Mohammed Badra, Pool via AP)

Qeveria francize ka njoftuar se vendi po përballet me një sfidë të madhe, pasi u tha se niveli i lindjeve ka qenë në rënie prej më shumë se një dekade, teksa në vitin 2023 ka pasur rënie prej 7% krahasuar me vitin paraprak.

Presidenti i Francës, Emmanuel Macron, ka paralajmëruar një plan të ri, i cili përfshin testimin për fertilitet për personat deri në moshën 25 vjeç.

TheGuardian ka raportuar se në retorikën e përhershme politike të francezëve, niveli i lindjeve në vend ka qenë temë e prekur pasi ata e shohin si një faktor shumë të rëndësishëm që Franca të konkurrojë ndërkombëtarisht, shkruan albinfo.ch.

Plani po konsiderohet si ndërhyrje në jetën intime dhe zgjedhjet personale.

Numri i të rinjve që planifikojnë të kenë fëmijë në moshën 25-vjeçare është jashtëzakonisht i ulët në Francë, teksa mosha mesatare në të cilën gratë lindin është 31 vjeç. Shkalla aktuale e lindjeve në Francë është 1 fëmijë për një grua, por një vështrim i afërt i sondazheve mbi aspiratat e njerëzve po zbulon se shumica dërrmuese mendojnë se konfigurimi ideal i familjes është të kesh dy fëmijë dhe shumë njerëz do të preferonin të kishin tre fëmijë. Sipas qytetarëve nuk ka prova se rënia e lindjeve është për shkak të fertilitetit dhe se kjo varet nga preferencat.

Ndryshe, presidentit Macron iu deshën katër vjet t’i lejonte gratë të bëjnë fertilizim të asistuar mjekësor, gjë që ishte kërkuar nga aktivistët e komunitetit LGBTQ+ që kur martesat e të njëjtës gjini u legalizuan në vitin 2013.