Distria Krasniqi, më e ranguara prej të gjithë xhudistëve në botë

Renditja botërore e xhudistëve është përditësuar pas përfundimit të Grand Slamit të Parisit.

Sipas renditjes së re, të publikuar sot, e para prej të gjithë xhudistëve dhe xhudisteve në botë është Distria Krasniqi.

Xhudistja nga Kosova, udhëheqë në renditje me 6510 pikë, e cila pasohet nga xhudistja gjermane, Anna Monta Olek me 6460 pikë.

Kroatja Lara Cvjetko është e treta me 6250 pikë. Xhudisti më i ranguar është japonezi Sanshiro Murao, por që ka pikë më pak se tri xhudistet e para, me 6120 pikë gjithsej, transmeton albinfo.ch.

Pikët për ranglistë mblidhen me sukses nëpër gara, ndërsa Distria të shtunën e fitoi të artën në Grand Slamin e Parisit dhe u shpall kampione në kategorinë deri 52 kilogramë.