Frika nga greva në aeroportin e Gjenevës

Ilustrim, Pixabay

Në mes të nisjeve të pushimeve, aeroporti i Gjenevës ka paralajmëruar ndërprerje të operacioneve ditët në vijim deri në një ndërprerje të mundshme të fluturimeve në rast greve.

Pasagjerët ftohen të arrijnë të paktën 2:30 para fluturimit të tyre, shkruan RTS.

Në total, një mijë punonjës preken nga një politikë e re kompensimi, shpjegoi të martën Jamshid Pouranpir, sekretar i sindikatës në SSP, për Keystone-ATS.

Këta janë njerëz që kanë një kontratë publike me aeroportin dhe që punojnë në siguri, ku përfshihet kontrolli i pasagjerëve dhe asfaltit.

Një grevë e këtyre punonjësve do të kishte një efekt paralizues dhe në një njoftim për shtyp, aeroporti i Gjenevës saktëson qëllimin e kësaj politike të re të pagave.

Për platformën e aeroportit, mbi të gjitha bëhet fjalë për përshtatjen e shpërblimit në raport me evolucionin e pritshëm të të ardhurave, shkruan RTS.

Parashikimet e trafikut janë afër stagnimit për dekadat e ardhshme, paralajmëron menaxhmenti i aeroportit të Gjenevës. “Modeli aktual i kompensimit, i cili parashikon një rritje automatike lineare dy herë më të madhe se rritja e parashikuar e xhiros, nuk mund të mbahet më”, përcjell albinfo.ch.

Në vitin 2022, aeroporti regjistroi një fitim prej 70 milionë frangash dhe këtë vit ai pret të ketë një fitim prej 100 milionë frangash.