Fruthi po përhapet në Evropë

Organizata Botërore e Shëndetësisë paralajmëron se në Evropë është duke u përhapur epidemia e fruthit, veçanërisht në vendet në të cilat është zvogëluar përqindja e fëmijëve të vaksinuar.

Vetëm nga fillimi i vitit në Itali 200 njerëz u preken nga kjo epidemi, e në Rumani nga janari 2016 deri më sot janë regjistruar 3,400 raste të fruthit.

“Kjo është një sëmundje ngjitëse që mund të zgjerohet me shpejtësi. Mbrojtja e vetme kundër fruthit është vaksinimi, por ajo hyn në fuqi vetëm nëse është kryer në gjithë vendin, ose nëse vaksinohen të paktën 95 për qind e popullsisë”, thekson Organizata Botërore e Shëndetësisë.

Situata është alarmante në Francë, Gjermani, Poloni, Zvicër, Ukrainë, ku numri i pacientëve është zgjeruar me shpejtësi.