Ftesë publike

FTESË PUBLIKE

Të nderuar bashkatdhetarë

Nisur nga dëshira dhe vullneti i shumë qytetarëve, aktivistë dhe dashamirës të kulturës dhe sportit, pas shumë takimesh dhe konsultash mbi njëvjeçare, të motivuar për të bashkërenduar angazhimet tona të përbashkëta,

J U  F T O J M Ë

të merrni pjesë në Kuvendin Themelues të UNIONIT KULTUROR SPORTIV SHQIPTAR në St. Gallen dhe më gjerë.

Kuvendi Themelues mbahet të dielën, më 11 Shtator, dhe fillon nga ora 13.30.

Adresa e mbajtjes së Kuvendit është: Restaurant ADLER, St. Georgenstrasse 84, 9000 St. Gallen.

Jeni të mirëseardhur!

Për ndihmesë në mbarëvajtje të Kuvendit Themelues, ju falënderojmë që më parë.

Me nderime,

Grupi i Organizimit të Kuvendit Themelues

St. Gallen, Gusht 2016.

________________________________________________________________

Organizues të Kuvendit janë personalitete, subjekte të dëshmuara në fushën e kulturës dhe sportit, si dhe biznese në St. Gallen e rrethinë, si dhe në nivele kantonesh si St. Gallen dhe Thurgau.

SYNIMET DHE QËLLIMET

* Nën emrin “Unioni Kulturor dhe Sportiv Shqiptar”, më tutje – “UKSSH”, nënkuptojmë   një shoqatë politikisht neutrale, jo komerciale, themeluar sipas Nenit 60 të Kodit Civil Zviceran.

* Synim i UKSSH – së  është krijimi i një vendtakimi si një platformë kulturore dhe sportive për të gjithë kulturëdashësit dhe sportdashësit, të gjithë ata që aktivitetet e veta i ushtrojnë konform Statusit të Unionit.

* Për nevojën e krijimit të atmosferës së takimeve dhe shkëmbimit të ideve, Unioni bazohet në thellimin e tolerancës dhe mirëkuptimit mes komunitetit shqiptar dhe komuniteteve tjera në St. Gallen dhe Kanton e më gjerë.

* Ndasitë si forma të intolerancës nuk do të mbështeten, as promovohen dhe as që do te tolerohen.

* UKSSH përpiqet për një bashkëpunim të ndërsjellë ku barazitë dhe liritë njerëzore kanë tretman parësorë.

* UKSSH angazhohet për zhvillimin e dialogut ndërkulturor dhe përpiqet të bëjë gjithçka që ky dialog të zhvillohet dhe kultivohet në harmoni me synimet statutore të Unionit.

* UKSSH parasegjithash do të nxisë dhe mbështesë aktivitete kulturore dhe integrative e sportive, por edhe aktivitete humanitare dhe aktivitete, që përcaktohen me Status dhe në baza të mirëkuptimit dhe bashkëpunimit të ndërsjellë.