Lajme
Fundi i marrëveshjes Zvicër – Francë për taksimin e punëtorëve ndërkufitarë
Ajo mundet eventualisht të vazhdohet vetëm në rast të një valë të dytë të infeksioneve me koronavirus
Marrëveshja midis Bernës dhe Parisit e nënshkruar më 13 maj për të lehtësuar punën nga shtëpia të punëtorëve ndërkufitarë, skadon në 31 gusht. Ajo mundet eventualisht të vazhdohet vetëm në rast të një valë të dytë të infeksioneve me koronavirus, shkruan agjencia e lajmeve Keystone-SDA.
Lidhur me këtë ka raportuar sot gazeta zvicerane në gjuhën frënge “Le Matin Dimanche”.
I pyetur nga Keystone-SDA, Sekretariati Shtetëror për Raporte Ndërkombëtare Financiare (SIF) i është referuar një marrëveshjeje midis Bernës dhe Parisit, të datës 16 korrik, transmeton albinfo.ch. Marrëveshja në fjalë bën të ditur përfundimin me pajtim të dyanshëm të marrëveshjes më 31 gusht.
Për punëdhënësit zviceranë, kjo do të thotë që sërish do të zbatohen rregullat e mëparshme të parandalimit të taksave, shkruan “Le Matin Dimanche”.
Për shembull, nëse një person punon nga shtëpia në Francë për më shumë se një ditë në javë, kontributet e sigurimeve shoqërore të tij duhet të paguhen në Francë. Atje përqindja që paguan punëdhënësi është katër herë më e lartë se në Zvicër.
Rreth 180,000 njerëz që jetojnë në Francë, në kohë normale vijnë të punojnë për çdo ditë në Zvicër, përcjell albinfo.ch. Me krizën e Coronavirusit, shumica e tyre nuk mund të shkonin fizikisht në vendet e tyre të punës në Zvicër.
Marrëveshja kishte fuqi retroaktive nga 14 marsi i këtij viti. Sipas marrëveshjes, ajo mund të rinovohej, me heshtje, në fund të çdo muaji. Ndërsa ajo tani po përfundon pasi Zvicra dhe Franca kanë hequr kufizimet e udhëtimit.
Sipas “Le Matin Dimanche”, një marrëveshje përkatëse me Gjermaninë do të vazhdojë të mbetet në fuqi deri në fund të vitit, transmeton albinfo.ch. Por, SIF, në përgjigjen e tij dhënë për Keystone-SDA nuk e ka përmendur këtë çështje.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
Amnesty International kritikon Zvicrën Grupi ndërkombëtar për të drejtat e njeriut, Amnesty International, i cili merret me luftën në Ukrainë...
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten
-
Mungesa e banesave në Cyrih dhe qiratë e larta nxisin trendin e ‘sublet’
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut