Ndihmat emergjente zvicerane mbërrijnë në Ukrainë

(AP Photo/Visar Kryeziu)

Rreth 35 tonë ndihma emergjente, përfshirë pajisje mjekësore dhe tenda, të dërguara nga Zvicra për të ndihmuar viktimat e luftës në Ukrainë, kanë mbërritur në kryeqytetin Kiev.

“Ndihma është e nevojshme urgjentisht për spitalet që i shërbejnë popullatës ukrainase”, shkroi në Twitter të dielën Njësia Zvicerane e Ndihmës Humanitare (SHA). Një pjesë e madhe e ndihmave humanitare ishte dërguar nga Cyrihu në kryeqytetin polak Varshavë të martën e kaluar.

Një kolonë kamionësh dërgoi gjithashtu materiale shtesë. Furnizimet e ndihmës emergjente përfshijnë ilaçe dhe tenda familjare të pajisura me dyshekë, çanta gjumi, batanije, ngrohës, defibrilatorë, respiratorë, maska ​​higjienike dhe veshje mbrojtëse mjekësore. Furnizimet e ndihmës janë pjesë e paketës së përgjithshme të mbështetjes së Zvicrës me vlerë rreth 8 milionë CHF. Zvicra ka dhuruar tashmë 500,000 CHF për Komitetin Ndërkombëtar të Kryqit të Kuq (ICRC) në Ukrainë dhe ka dhënë 250,000 CHF për OKB-në. Financime të mëtejshme për organizatat ndërkombëtare si agjencitë e OKB-së dhe Lëvizja e Kryqit të Kuq dhe Gjysmëhënës së Kuqe janë duke u konsideruar.