Fushë-Kosovë: Gjendet një person pa shenja jete

Një person i moshës 62-vjeçare është gjetur pa shenja jete në oborrin e një shtëpie në Fushë-Kosovë.

Lajmin për albinfo.ch e ka konfirmuar zëdhënësja e Policisë së Kosovës, Flora Ahmeti. Sipas të gjeturave të para, dyshohet se viktima kishte plagë të shkaktuara nga arma e zjarrit.

“Policia e ka marrë informatën rreth orës 13:00 se në lagjen 29 në Fushë-Kosovë, saktësisht në oborrin e një shtëpie ndodhet një person i pajetë. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti. Vdekjen e viktimës mashkull (1957) e ka konstatuar ekipi mjekësor në vendin e ngjarjes. Mbështetur në të gjeturat fillestare, dyshohet se viktima kishte plagë të shkaktuara nga arma e zjarrit. Rasti është iniciuar si vdekje e dyshimtë, ndërkohë që po punohet për ndriçimin e plotë të rrethanave të këtij rasti”, ka bërë të ditur Ahmeti në një përgjigje për albinfo.ch.