Sunderlandi i Xhakës triumfon bindshëm ndaj Burnleyt

Fitorja e nëntë e sezonit e ngjit Sunderlandin në vendin e tetë, kapiteni Granit Xhaka vazhdon të mungojë për shkak të lëndimit

Sunderlandi i Granit Xhakës ka arritur një fitore të rëndësishme në Premier League të Anglisë, duke mposhtur Burnleyn me rezultat bindës 3:0, transmeton albinfo.ch.

Skuadra e Sunderlandit kaloi në epërsi që në minutën e nëntë, pasi Alex Tuanzebe realizoi autogol. Më pas, epërsia u thellua nga Habib Diarra dhe Chemsdine Taibi, të cilët siguruan fitoren e radhës për ekipin e tyre.

Kjo është fitorja e nëntë për Sunderlandin në këtë edicion të kampionatit, duke e ngjitur skuadrën në pozitën e tetë në tabelë me 36 pikë të grumbulluara.

Megjithatë, Sunderlandi vazhdon të jetë pa kapitenin Granit Xhaka, i cili po mungon për shkak të një lëndimi. /Albinfo.ch

---