Gashi kërkon nga Banka Botërore ndihmë për bondet për diasporën

Zyrtarët e lartë të Bankës Botërore Gashi i informoi për disa programe në të cilat janë duke punuar e në veçanti atë të krijimit të bondeve për diasporën, një model i cili është duke u aplikuar që nga viti 1951 në Izrael

Ministri i Diasporës dhe Investimeve Strategjike,  Dardan Gashi në ditën e fundit të vizitës në SHBA ka takuar drejtorin e programit për remitenca dhe migrim në Bankën Botërore,  Dilip Ratha dhe Sonia Plaza, ekonomiste e lartë me të cilët kanë diskutuar rreth mundësive të bashkëpunimit në fushën e strukturimit në remitencave të diasporës dhe shndërrimit të tyre në një model të zhvillimit ekonomik dhe social.

“Ne kemi një diasporë të madhe të shpërndarë në Evropë dhe ShBA dhe kontributi i kësaj diaspore në formën e remitencave është mbi një miliardë euro në vit. Ne i shikojmë ata si partnerë të rëndësishëm, investitorë serioz që mund t`i kanalizojnë këto remitenca drejt projekteve të rëndësishme në Kosovë”, ka thënë Gashi.

Zyrtarët e lartë të Bankës Botërore Gashi i informoi për disa programe në të cilat janë duke punuar e në veçanti atë të krijimit të bondeve për diasporën, një model i cili është duke u aplikuar që nga viti 1951 në Izrael, ndërsa së fundmi ka filluar të aplikohet edhe në Nigeri.

“Ne mund të ju ndihmojmë duke ju ofruar ekspertizën tonë në krijimin e bondeve të tilla, regjistrimin e tyre, të kemi rol këshillëdhënës” theksoi  Ratha.