Gazetarët në veri të Mitrovicës sulmohen me mjete shpërthyese

Mësohet se serbët në Lagjen e Boshnjakëve po vazhdojnë t’i sulmojnë gazetarët, duke gjuajtur mjete shpërthyese.

Gazetarët gjithashtu janë sulmuar me molotov edhe në Leposaviq, ku edhe atje ka pasur aksion të Policisë për konfiskim të mallrave të kontrabanduara.

Që prej vendosjes së gazetarëve në pjesën e Lagjes së Boshnjakëve, gazetarët janë duke u përballur me sulme nga qytetarët e asaj pjese.

Asociacioni i Gazetarëve të Kosovës ka shprehur shqetësim për ambientin e rëndë dhe të pasigurt të punës për gazetarët gjatë ditës së sotme në komunat veriore të Kosovës.

Sipas raporteve, janë sulmuar disa gazetarë të mediave të ndryshme shqiptare në “Lagjen e Boshnjakëve” në Mitrovicën e Veriut dhe një tjetër incident ka ndodhur rrugës për në Leposaviq, ku protestuesit kanë ndjekur nga pas veturat me gazetarë.

Sipas AGK-së, sulme dhe presione ka pasur edhe ndaj gazetarëve të portalit lokal “Kossev”, nga protestuesit. Si pasojë, redaksia i ka tërhequr ekipet e saj nga terreni.

AGK-ja fton Policinë e Kosovës që të ofrojë siguri për gazetarët që të kryejnë punën e tyre në formë të papenguar.