Gërvalla: Kultura kosovare do të promovohet nëpërmjet “diplomacisë kulturore”

Ministrja e Punëve të Jashtme dhe Diasporës, Donika Gërvalla organizoi pritje për artistë, staf diplomatik e përfaqësues institucional në kuadër të aktiviteteve të festivalit ndërkombëtar të filmit dokumentar dhe të shkurtër Dokufest që mbahet në Prizren.

Ajo tha se ministria e Jashtme do të fokusohet të vendos në planë të parë promovimin e kulturës së Kosovës nëpërmjet diplomacisë kulturore.

Mes tjerash Gërvalla tha se kreativiteti dhe vlerat e larta artistike të krijuesve të rinj kosovarë duhet të gëzojnë vëmendje ndërkombëtare.

Në fjalën e saj, Gërvalla, ka nënvizuar potencialin e jashtëzakonshme artistik të festivalit Dokufest duke theksuar se këto festivale kthejnë vëmendjen e artdashësve nga e gjithë bota tek Kosova.