Gërvalla në OKB i drejtohet Daçiqit: Ti je Slloba i vogël

Ministrja e Punëve të Jashtme e Kosovës, Donika Gërvalla, në fjalimin e mbajtur para Këshillit të Sigurimit të OKB-së e ka quajtur Ivica Daçiqin përgjegjës për krimet dhe dhunimet e kryera në Kosovë.

Daçiq, mes tjerash, në fjalim ia përmendi Gërvallës deklaratat siç tha ai, kundër UÇĶ-së, duke i thënë se për shkak dëshmive të saj Thaçi e Veseli po gjykohen në Hagë.

Kundërpërgjigjja e Gërvllës ishte duke e quajtur Daçiqin “Slloba i vogël”.

“Daciq, ju vetëm sa treguat sot pse njerëzit në Serbi ju kanë quajtur në vitet e 90-ta Slloba i vogël, një Millosheviq i vogël, për shkak të bosit dhe heroit tuaj, e kuptoj që jeni i zemëruar – dhe e njoh këtë gjuhë, që moti e njoh. Unë nuk jam në politikën evropian qe 2-3 vjet, jam qe shumë vjet. Ju e keni të vështirë që e keni humbur Kosovën në 99-ën, por që duhet të mbani retorikë të tillë dhe populli i Serbisë nuk e meriton këtë. Por, e vërteta dhemb dhe më vjen shumë keq për ju”, tha ajo në Këshillin e Sigurimit në OKB, ku po diskutohej për Kosovën.